Semana da auga e da árbore

Traballamos esta semana sobre a importancia das árbores e da auga no ciclo da vida. Xa iniciaramos este tema antes de irnos de vacacións e completámolo agora.
 Elaboramos un mural que representa a mandala da fonte da vida que realmente responde ao ciclo da auga , ese ben escaso que tampoco aproveitamos.

Ademais lemos e comentamos o libro co que, para esta celebración, agasallou a Deputación a cada alumn@

Xogos populares

 Para rematar o 2º trimestre  realizamos unha nova xornada de xogos populares que comezou, para coller forzas, coa degustación dun bocata saudable.

A continuación participamos todas as titorías nos xogos populares que estiveron distribuidos en 17 estacións, todas moi entretidas. Todo o alumnado gozou desta nova xornada lúdica. Entre outras:

                                       
                                           Os aros

                                       
                                          A comba

   
                                         As casiñas

                                          A mariola 

                                          Barras de equilibrio

                                          A carrapucheiriña 

                                          Malabares 

                                          A chiola

                                          As pedras

                                          Suma 15

                                          Puntería coa ra

                                         Ao pavo, pavito..

                                          A chave  

Xogos populares

Preparando unha nova edición dos xogos populares que celebraremos o vindeiro venres, día 18.

Día da muller traballador

Preparamos unha exposición cos debuxos que non se enviaron aos concello para o certame
sobre o día da muller traballadora. Moitas imáxenes cariñosas e divertidas sobre a visión que  nenos e nenas teñen sobre as súas mamás.

A vespa velutina

O venres pasado visitáronnos os técnicos da Casa do mel para explicarlles aos alumn@s os riscos que se producirán se esta vespa asiática reduce ou elimina as nosas abellas.
Estiveron cos rapaces de  3º e 4º e despois de facer un repaso sobre o traballo tan beneficioso das abellas e de todos os produtos cos que nos agasallan, explicáronlles as diferencias da intrusa coas nosas abellas e mesmo lles ensinaron a facer trampas para tratar de eliminalas. Os nenos e nenas comprometéronse a colaborar e ademais a comunicar o número de raíñas que capturaban e no lugar onde o facían.
Interesante charla , posto que , alomenos en quinto, estamos traballando a polinización das plantas e  ademais que esgundo explicaron eles agora comeza o tempo de colocar as trampas porque as raíñas saen despois de hibernar un tempo.