O magosto 2015

Como todos os anos  na celebración do magosto comemos ricas castañas asadas. Cada nen@ traía o seu cucurucho para recollelas e logo degustáronas por grupos. A nota lúdico-festiva puxérona o grupo de xoves músicos con Manuel e Alejandra ao fronte.

O Samaín

Cos froitos do outono chegaron as primeiras celebracións:

                          O Samaín
Coa lectura de textos alusivos a esta festa que se traballaron nas aulas e coa participación de cabazas aportadas por alumn@s de todas as titorías celebramos esta festa de orixe celta.

O día das bibliotecas

Celebramos o día das bibliotecas coa lectura do libro Os libros voadores do Sr. Paco, unha adaptación que os alumnos de 5º e 6º resumiron, ilustraron, leron e mesmo dramatizaron para o alumnado máis pequeno.

Chegou o outono

Chegou o outono e con el novas actividades complementarias dun novo curso 2015-16.
A primeira actividade foi dirixida ao alumnado de 5º e 6º. Un policía encargado das novas tecnoloxías explicoulles aos alumn@s os problemas que ocasiona o acoso escolar.

Acabouse

                  BOAS VACACIÓNS



                        ATA O CURSO QUE VÉN!!!

FIN DE CURSO

Antes de que cada titoría celebrase a súa festa, reunímonos no teatro para ver a obra que os alumn@s de sexto B repetían, esta vez para todos os seus compañeros. A obra dirixida por Mar Sarmentero, nai dunha alumna levaba por título O segredo da cova intrigante.

 

Actividade colectiva

A policía nacional con toda a súa equipación reuniu ao alumnado de todos os colexios do concello no campo de fútbol do Viveiro (Cantarrana).

O mercado ecolóxico

Una nova edición do noso mercado, e xa van tres, no que os nenos e nenas amosan os produtos do noso horto e que ademais se enriquece con obradoiros. Este ano contou con varios: de barro, de pintura, de elaboración de pulseras, de torneado e os membros da AMPA prepararon un de semiado.

En sendos murais, amparados por un posto coa degustación do produto, expuxemos dous milagres da natureza: o pan e o aceite.
  As familias gozaron paseando entre os distintos postos. Este paseo foi amenizado cun pasarrúas e cunha actuación dos nen@s de primeiro que cantaron o Pan de millo.

 Un grupo de nais puxo máis sabor preparando, in situ, freixós e roscas.

 Xornada de festa para saborear e repetir.

O camiño de Santiago

Nova e fermosa etapa de Triacastela a Samos. Etapa que discorre paralela o río Oribio, chamado Sarria, cando entra neste concello. Camiño que percorrimos en marabillosa convivencia os alumn@s deo 3º ciclo e os mestres. Rematamos a xornada matinal no magnífico mosteiro de Samos que visitamos acompañados dunha guía que nos amosou a beleza das súas pinturas e a grandiosidade dos dous claustros. Despois de comer seguimos ata Teguin, onde xa nos recolleu o autobús para iniciar o regreso.