Chegou o NADAL

O colexio xa está ambientado con motivos de NADAL. Este ano as familias colaboran con beléns feitos con materiais reciclados. Unha marabilla creativa!

Visitamos o centro Geriatros

Os nenos e nenas de 2º e 6º visitaron os anciáns de Geriatros para poñer música nunha mañá de Nadal. Os maiores puxeron a música e os máis pequenos os bailes tradicionais galegos.

Presentación do calendario 2015

Os alumn@s de sexto presentaron diante das súas familias o calendario do vindeiro ano. Calendario que elaboraron nas aulas Abalar que coordina Manuel. Un produto moi artesá. Eles buscaron información, refráns, cantidas, ditos e adiviñas correspondentes a cada mes e logo confeccionaron o calendario ilustrado cos seus propios debuxos.
   Tamén leron o Pregón de Nadal que dará, o vindeiro venres, entrada as actividades que co motivo do Nadal pechan o primeiro trimestre.

Mes da ciencia

Estamos a celebrar este mes o mes da ciencia e aos alumn@s do 3º ciclo, unha vez repartidas as actividades a realizar correspondéronlles as seguintes.
     - Preparar algunha biografía de científicos importantes, entre elas  a de Isaac Newton.
     - Recoller e resolver algún enigma matemático.
     - Realizar algún  experimento sinxelo.

Teatro

O alumnado do colexio, agás os alumn@s de 1º curso, estiveron o mércores, 12 de novembro, desfrutando da interpretación co Centro Dramático Galego fixo da obra de Carlos Casares As laranxas máis laranxas de todas as laranxas.
 Marabillosa representación, con moita parte musical, que engaiolou ao alumnado e ao profesorado.

O Samaín e o magosto foron as últimas celebracións

Xa no mes de novembro,  en datas próximas o San Martiño, celebramos o magosto. Ricas castañas asadas, quentiñas e saborosas degustamos no recreo do día 7.  Festa ambientada con  boa música e bastante bo tempo. Nesta celebración colaborou a AMPA do centro.

Dia das bibliotecas

Rematamos o mes con varias actividades unha  delas foi a celebración do  Día das bibliotecas. Este ano adicámosllo a tres personaxes: Mafalda, Mary Poppins e a Pantera Rosa, todas cumpren 50 anos. Coa súa imaxe completamos un gran crevacabezas que os pequenos debían organizar.

   Foron os alumn@s do 3º Ciclo os encargados de achegar as personaxes aos máis pequenos. Con sinxelas dramatizacións fixeron as presentacións correspondentes e a continuación puxeron voz  a algunha das viñetas que o debuxante Quino puxo en boca de Mafalda. Viñetas de gran contido social que abordan temas tan de actualidade como: a desigualdade social, as guerras, a fame no mundo...Ademais entregouselle a cada alumn@ un marcapáxinas alusivo a este  aniversario.

Excursión a Lugo dos alumno@s de 6º

O alumnado de 6º viaxou a Lugo para visitar o Centro de Interpretación Terras do Miño e a continuación, en Outeiro de Rei, contemplamos o amplo legado de Manuel María na sús casa museo.

Percorremos unha senda á beira do río Rato e en Outeiro de Rei camiñamos á beira do pai Miño, como diría o poeta chairego, pola carballeira dea Santa Isabel. Neste fermoso lugar   todos os anos se celebra un convivio na lembranza de Manuel María.

     Batuxo, embarcación empregada para cruzar o río.

Algunhas artes de pesca empregadas nos ríos

Útiles de pesca

 Nestas paraxes si se poden ollar con claridade as vistosas cores do outono que aquí nos impide observar a presenza de tantos e tantos eucaliptos.

A biodiversidade nestas terras

En Outeiro á beira do Miño

   Na casa de Hortas, casa natal de Manuel María, hoxe convertida en Casa Museo                

Unha grata viaxe na que percorremos as terras do Miño: aTerra Chá

  A Terra Chá somentes é.
  un pobo aquí, outro acolá,
  mil arbres, monte raso,
 un ceo chumbo e tráxico
 no que andan as aves a voar.
 O resto é soedá.

               Manuel María